ಬಾಗಲಕೋಟೆ : ಮಂಗಳವಾರ ಜನಿಸಿದ ಮಗುವಿಗೆ ಎಲ್ಲವೂ ಹನ್ನೊಂದು ಮಯ, ದಿ.11 ರ 2011 ರಂದು 11 ಗಂಟೆ, 11 ನಿಮಿಷ, 11 ಸೆಕೆಂಡ್ ಗೆ ಈ ಮಗು ಜನಿಸಿದೆ. ಅದು ಮಗುವಿನ ಲಕ್ಕಿ ನಂಬರ್ ಎಂಬುದು ಪಾಲಕರ ನಿರೀಕ್ಷೆ ಮತ್ತು ಆಶಯ.
ಕೆಲವರಿಗೆ 11 ಅಂಕಿ ಲಕ್ಕಿ ನಂಬರ್ ಆದರೆ ಈ ಮಗು ಧರೆಗಿಳಿಯುತ್ತಿದ್ದಂತೆ 11 ಅಂಕಿ ಲಕ್ಕಿ ನಂಬರ್ ಆಗಿದೆ, ತಾಲೂಕ ಪಂಚಾಯತ ಮಾಜಿ ಸದಸ್ಯೆ ಶ್ರೀಮತಿ ನೀಲಮ್ಮ ಶೇಖರಯ್ಯ ಹಿರೇಮಠ ಅವರ ಮೊಮ್ಮಗು ಧರೆಗಿಳಿದಿದ್ದು 11-1-11, 11;11;11 ಕ್ಕೆ, ಶತಮಾನದ ನಂತರವೇ ಆಗಮಿಸುವ ಈ ಸಮಯಕ್ಕೆ ನೀಲಮ್ಮನವರ ಮಗ ವೆಂಕಟೇಶ ಅವರ ಪತ್ನಿ ಕಲಾವತಿಯವರಿಗೆ ಹುಟ್ಟಿದ ಮಗು ದಿನಾಂಕ, ಇಸ್ವಿ ಹಾಗೂ ಸಮಯ ಎಲ್ಲವೂ 11 ಮಯವಾಗಿದ್ದು ಇದು ಆ ಮಗುವಿನ ಲಕ್ಕಿ ನಂಬರ್ ಎಂಬುದು ವೆಂಕಟೇಶ ಹಾಗೂ ಕಲಾವತಿಯವರ ನಂಬಿಕೆ.
ಡಾ.ಶೇಖರ ಮಾನೆ ಯವರ ಆಸ್ಪತ್ರೆಯಲ್ಲಿ ಸರಿಯಾಗಿ ಈ ಸಮಯಕ್ಕೆ ಜನ್ಮತೆಳೆದ ಮಗು ಆರೋಗ್ಯಕರವಾಗಿದ್ದು ಅಜ್ಜ ಶೇಖರಯ್ಯ ಹಿರೇಮಠ ಅವರ ಚೊಚ್ಚಲ ಮೊಮ್ಮಗು ಇದಾಗಿದ್ದು ಕೆಲವರು ಬೇಕುಅಂತಲೆ ಈ ಸಮಯಕ್ಕೆ ಪ್ರಸೂತಿ ಮಾಡಿಸಿಕೊಂಡರು ಸಿಗದ ಈ ಭಾಗ್ಯ ಸಾಮಾನ್ಯ ಹೆರಿಗೆಯಲ್ಲಿ ನಮ್ಮ ಮೊಮ್ಮಗೂವಿಗೆ ಈ ಭಾಗ್ಯ ಸಿಕ್ಕಿದೆ ಎಂದು ಹರ್ಷದಿಂದ ಹೇಳುತ್ತಾರೆ.
ಭಾಸ್ಕರ ಮನಗೂಳಿ
No comments:
Post a Comment